×
Shqiperia ime FALAS - Në Google Play
INSTALO
Të Rekomanduara
Manjani: Shteti shqiptar nuk ka bërë Reformë në Drejtësi po spektakël, është kthyer përmbysur Kushtetuta
nga E.B (11/10/2017 ora 07:40)

Ylli Manjani, ish-ministër i Drejtësisë, deklaroi në studion e “Top Story” se “Lulzim Basha dhe Monika Kryemadhi duhet të shprehin gadishmërinë e opozitës për të mbështetur çeljen e negociatave të integrimit një orë e më parë”.

“Procesi i integrimit është proces i brendshëm. Çdo opozitë do të ishte e interesuar që ky proces të ishte sa më i shpejtë. Kjo është në interesin e publikut, që përfaqësohet nga opozita. Basha dhe Kryemadhi duhet të shprehin gadishmërinë e opozitës për të mbështetur çeljen e negociatave një orë e më parë”, deklaroi Manjani.

Ish-ministri i Drejtësisë theksoi se thelbi i integrimit është ekonomia.

“Shteti shqiptar nuk ka bërë reformë në drejtësi, por spektakël. Është përmbysur Kushtetuta e vendit për shkak të ndërhyrjeve idiote, por të detyrueshme për tu bërë sepse do të merrnim ftesën për anëtarësim. Kemi heshtur të gjithë, përfshi mua. E bëmë kompromisin për shkak të hapjes së negociatave për anëtarësim. Por, thelbi i integrimit është ekonomia. Nëse jemi gati të heqim TVSH-në në doganë, jemi në Europë që nesër”, u shpreh Manjani. 

“Këtë temë nuk e kemi marrë ende seriozisht. Ne e kemi parë Europën si përfitim. Fermeri që ankohet se nuk i shitet qepa, do të ketë konkurrencën e Europës më pas. Këtë nuk e di asnjeri. Kjo është BE-ja”, shtoi Manjani.

Ju sugjerojmë
Më te Lexuarat
" NJOFTIM/ Shikoni që Shqipëria dëmtohet, shikoni që një qytetar është i braktisur, shikoni një ngjarje skandaloze dhe të dhunshme, shikoni probleme që ju shqetësojnë ju apo të tjerët. DENONCO. Vetëm me anë të një mesazhi në WhatsApp ose Viber, duke derguar videon apo foton dhe lajmi juaj do të bëhet publik menjëherë në faqen më të madhe në Shqipëri “Shqipëriaime.al”. Tel :+355693530088 Email: [email protected]